មាតិកា
(Table of Contents)

សូមចុចលើស្ថានីយ៍ខាងក្រោមដើម្បីបើកទៅកាន់ទំព័រនោះ៖

• Station 01 ការសាកសួរប្រវត្តិជំងឺ (History Taking) - Métrorragie
• Station 02 ការពិនិត្យរាងកាយ (Physical Exam) - Puerperal Fever
• Station 03 ការអង្កេតវិភាគ (Investigations) - Métrorragie
• Station 04 ការធ្វើរោគវិនិច្ឆ័យ (Diagnosis) - Cancer du Col
• Station 05 គម្រោងព្យាបាល (Treatment Planning) - Cancer du Col
• Station 06 ការអប់រំសុខភាព (Education) - Cervical Cancer

ផ្នែកសម្ភពនិងរោគស្ត្រីស្ថានីយ៍ទី០១-
ការសាកសួរប្រវត្តិជំងឺ៖ការធ្លាក់ឈាមក្រៅរដូវ

ការណែនាំចំពោះបេក្ខជន

ប្រធានបទ៖ ការសាកសួរប្រវត្តិជំងឺការធ្លាក់ឈាមក្រៅរដូវ/métrorragie

គោលបំណង៖ វាយតម្លៃសមត្ថភាពក្នុងការសាកសួរប្រវត្តិជំងឺ

ឈុតឆាក៖ អ្នកជាគ្រូពេទ្យនៅមន្ទីរពេទ្យមួយ។ អ្នកជំងឺម្នាក់ចូលមកដោយមានការធ្លាក់ឈាមតាមទ្វារមាស។

កិច្ចការដែលត្រូវធ្វើ៖

• ក-សួរប្រវត្តិជំងឺក្នុងគោលបំណងធ្វើការកំណត់រករោគវិនិច្ឆ័យ
• ខ-សង្ខេបនូវចំណុចគន្លឹះសំខាន់ៗដែលបានរកឃើញ
• គ-សន្និដ្ឋានរោគវិនិច្ឆ័យជំហានដំបូង/រួម

រយៈពេល៖ ១៥នាទី

References:
1. World Health Organization 2006. Comprehensive Cervical Cancer Control: A guide to essential practice.
http://whqlibdoc.who.int/publications/2006/9241547006_eng.pdf

ការណែនាំចំពោះតួសម្តែងជាអ្នកជំងឺ

ឈុតឆាក៖ ស្ត្រីម្នាក់ឈ្មោះ ស- អាយុ៤៥ឆ្នាំជាមេផ្ទះ មានកូន៣នាក់ សម្រាលតាមធម្មជាតិ។ គាត់ចាប់មានរដូវនៅអាយុ ១៣ឆ្នាំ ហើយបានរៀបការនៅអាយុ១៨ឆ្នាំ។ នៅប៉ុន្មានខែចុងក្រោយនេះគាត់តែងតែមានធ្លាក់ឈាមក្រោយពេលរួមភេទ។

បញ្ជាក់៖ អ្នកអាចផ្តល់ព័ត៌មានដល់បេក្ខជនចំពោះតែសំណួរដែលបេក្ខជនសួរតែប៉ុណ្ណោះ

តារាងផ្តល់ពិន្ទុ

ការណែនាំចំពោះមេប្រយោគ

ផ្នែកសម្ភព និងរោគស្ត្រី ស្ថានីយ៍ទី០២-
ការពិនិត្យ ស្ត្រីដែលមានគ្រុនក្តៅក្រោយពេលសម្រាលកូន

ការណែនាំចំពោះបេក្ខជន

ប្រធានបទ៖ ការពិនិត្យស្ត្រីដែលគ្រុនក្តៅ ក្រោយពេលសម្រាលកូន

គោលបំណង៖ វាយតម្លៃសមត្ថភាពបេក្ខជនក្នុងការពិនិត្យរោគស្ត្រី

ឈុតឆាក៖
អ្នកជានិស្សិតអន្តេវាសិកផ្នែករោគស្ត្រីក្នុងមនី្ទរពេទ្យ។ ស្ត្រីម្នាក់អាយុ២២ឆ្នាំចូលមកដោយមានគ្រុនក្តៅ បន្ទាប់ពីគាត់សម្រាលកូនរួចបាន ៥ថ្ងៃ។

ព័ត៌មានទទួលបានពេលសាកសួរប្រវត្តិជំងឺ
-ឈ្មោះ នារី -ជាកម្មករ
-អាយុ ២២ឆ្នាំ -ទីលំនៅ៖ ភ្នំពេញ
-មានផ្ទៃពោះលើកទី២ កើតម្តងហើយ/G2P1 -បែកទឹកភ្លោះយូរមុនពេលឈឺពោះសម្រាល
-កើតតាមផ្លូវធម្មជាតិនៅឯមណ្ឌលសុខភាព ៥ថ្ងៃកន្លងមកហើយ
-ថ្ងៃនេះស្ត្រីមានកំដៅខ្លួន ៣៨, ៥0 C និងមានឈឺពោះនៅផ្នែកខាងក្រោម។
-ធ្លាក់ Lochia មានក្លិនអាក្រក់/ Lochia smelly
-ព្រឹកនេះគាត់បរិភោគដូចធម្មតាដោយគ្មានបញ្ហា។ គាត់អាចបំបៅដោះកូន។
-តាំងពីមានផ្ទៃពោះមកនាងមិនដែលធ្វើដំណើរទៅខេត្តណាទេ

កិច្ចការដែលត្រូវធ្វើ៖

• ក-ធ្វើការពិនិត្យរាងកាយដោយសង្កត់ធ្ងន់លើការពិនិត្យរោគស្ត្រី/Pelvic Examination ក្នុងគោលបំណងធ្វើការកំណត់រករោគវិនិច្ឆ័យ
• ខ.ពេលបញ្ចប់ការពិនិត្យ មេប្រយោគនឹងផ្តល់អោយបេក្ខជន នូវក្រដាស១សន្លឹក ដែលក្នុងនោះមានរៀបរាប់ពី ចំណុចសំខាន់ៗដែលបានរកឃើញក្នុងពេល ពិនិត្យអ្នកជំងឺ។ ផ្អែកលើព័ត៌មានដែលផ្តល់អោយដោយមេប្រយោគបេក្ខជនត្រូវ៖
  • លើកឡើងនូវរោគវិនិច្ឆ័យប្រហាក់ប្រហែលបំផុត/រោគវិនិច្ឆ័យគ្លីនីក
  • លើកឡើងនូវរោគវិនិច្ឆ័យប្រហាក់ប្រហែលដែលត្រូវញែកចេញ
  • ព្រមទាំងជម្រាបអ្នកជំងឺពីអ្វីដែលត្រូវធ្វើបន្តដើម្បីបញ្ជាក់រោគវិនិច្ឆ័យដែលបានលើកឡើង។

បញ្ជាក់៖ អ្នកត្រូវពណ៌នាចាប់ពីពេលចាប់ផ្តើមធ្វើការពិនិត្យរហូតដល់ចប់បញ្ចប់ ថាតើអ្នកកំពុងធ្វើអ្វី? ធ្វើយ៉ាងដូចម្តេច? ធ្វើដើម្បីអ្វី? ។

សម្ភារៈចាំបាច់សម្រាប់ពិនិត្យរោគស្ត្រី

• គ្រែសម្រាប់ពិនិត្យរោគស្ត្រី examination table with stirrups/ Gynecology bed
• ចង្កៀងបំភ្លឺពន្លឺ
• ស្រោមដៃស្អាត
• ចំពុះទា (Speculum), ដង្កៀបវែងមានរង្វង់ខាងមុខ Long forceps ring/Pince en coeur
• កំប្រេសសេរីល
• សូលុយស្យុងអង់ទីសិបទិក (povidone iodine 10%)
• អាល់កុលលាងដៃ
• ក្រណាត់បួនជ្រុងសម្រាប់គ្របស្ត្រី
• ម៉ានីកាំងសម្រាប់ពិនិត្យរោគស្ត្រី
• ស្ត្រីជាអ្នកជំនួយម្នាក់

រយៈពេល ១៥នាទី

References
-Education for Safe Motherhood: Managing puerperal sepsis. World Health Organization, Geneva 2006.
-Managing complications in pregnancy and childbirth: a guide for midwives and doctors. Geneva, World Health Organization, 2003 (WHO/RHR/00.7)
-Alison Edelman, JoDee Anderson, Susanna Lai, Dana A.V. Braner, and Ken Tegtmeyer. Pelvic Examination. N Engl J Med 2007;356:e26.

តារាងផ្តល់ពិន្ទុ

ការណែនាំចំពោះមេប្រយោគ

ផ្នែកសម្ភពនិងរោគស្ត្រីស្ថានីយ៍ទី០៣-
ការអង្កេតវិភាគ៖ការធ្លាក់ឈាមក្រៅរដូវ

ការណែនាំចំពោះបេក្ខជន

ប្រធានបទ៖ការអង្កេតវិភាគអំពីអ្នកជំងឺដែលមានអាការៈធ្លាក់ឈាមក្រៅរដូវ

គោលបំណង៖វាយតម្លៃសមត្ថភាពបេក្ខជនក្នុងការអង្កេតវិភាគជំងឺដើម្បីបញ្ជាក់រោគវិនិច្ឆ័យ

ឈុតឆាក៖
អ្នកជាគ្រូពេទ្យនៅមន្ទីរពេទ្យមួយ។អ្នកត្រូវពិនិត្យអ្នកជំងឺម្នាក់ដែលចូលមកមន្ទីរពេទ្យដោយមានអាការៈហូរឈាមក្រោយពេលរួមភេទ។អ្នកបានសួរពីប្រវត្តិជំងឺនិងបានពិនិត្យអ្នកជំងឺរួចហើយ។ឥឡូវនេះអ្នកត្រូវជ្រើសរើសនូវការអង្កេតវិភាគមួយចំនួន ដើម្បីបញ្ជាក់រោគវិនិច្ឆ័យ។

ប្រវត្តិជំងឺ៖
ស្ត្រីអាយុ៤៥ឆ្នាំជាមេផ្ទះ មានកូន៣នាក់ សម្រាលតាមធម្មជាតិ។ នាងចាប់មានរដូវនៅអាយុ ១៣ឆ្នាំ ហើយបានរៀបការនៅអាយុ១៨ឆ្នាំ។ នៅប៉ុន្មានខែចុងក្រោយនេះនាងតែងតែមានហូរឈាមក្រោយពេលរួមភេទ។ សភាពទូទៅរបស់គាត់ធម្មតា ប៉ុន្តែស្លេកស្លាំងបន្តិច។ នេះជាមូលហេតុដែលនាំឲ្យគាត់មកមន្ទីរពេទ្យ។ក្នុងពេលសាកសួរ អ្នកសង្ស័យថាស្ត្រីនោះមានជំងឺនៅមាត់ស្បូនដែលចាំបាច់ត្រូវធ្វើការអង្កេតវិភាគដើម្បីធ្វើរោគវិនិច្ឆ័យគី្លនីកនៃជំងឺ។

ការពិនិត្យអ្នកជំងឺ៖
សញ្ញាជីវិត៖កំដៅ 37.2 °c ជីពចរ 90/mnសម្ពាធឈាម100/80mmHg ចង្វាក់ដង្ហើម16/mn
- មាត់ស្បូនមានសភាពមិនធម្មតាៈធំ, រលាក, ហូរឈាមដោយសារការប៉ះពាល់ៈដោយចំពុះទាឬដោយការលូកទ្វារ
- ការពិនិត្យមើលមាត់ស្បូនដោយ Colposcopie : ឃើញតំបន់តំរវាងមាត់ស្បូនខាងក្នុងនិងខាងក្រៅឡើងពណ៌សច្បាស់ដោយប្រើអាស៊ីតអាសេទិកនិងមិនចាប់ពណ៌អ៊ីយ៉ូតដោយប្រើLugol នៅទីតាំងម៉ោង១និងម៉ោង៧របស់មាត់ស្បូន
- ជញ្ជាំងទ្វារមាសទន់មិនឈឺចាប់
- Cul de Sac ឆ្វេងស្តាំលើក្រោមៈទន់

រោគវិនិច្ឆ័យគី្លនីក៖-CANCER DU COL UTERIN

កិច្ចការដែលត្រូវធ្វើ៖

• ក-លើកឡើងនូវរោគវិនិច្ឆ័យប្រហាក់ប្រហែលបំផុត និង- រោគវិនិច្ឆ័យប្រហាក់ប្រហែលដែលត្រូវញែកចេញ
• ខ- លើកនូវការអង្កេតវិភាគជាអាទិភាពដើម្បីកំណត់រោគវិនិច្ឆ័យ (Confirm the diagnosis) ដោយត្រូវបញ្ជាក់ថា ការអង្កេតវិភាគនីមួយៗនោះដើម្បីរកអ្វី និងអាចបានលទ្ធផលដូចម្តេច
• គ-ឆ្លើយសំណួររបស់មេប្រយោគ

រយៈពេល៖១៥នាទី

References
1. World Health Organization 2006.Comprehensive Cervical Cancer Control: A guide to essential practice.http://whqlibdoc.who.int/publications/2006/9241547006_eng.pdf

តារាងផ្តល់ពិន្ទុ

ការណែនាំចំពោះមេប្រយោគ

ផ្នែកសម្ភព និងរោគស្ត្រីស្ថានីយ៍ទី០៤-
ការធ្វើរោគវិនិច្ឆ័យ៖ ការធ្លាក់ឈាមក្រៅរដូវ

ការណែនាំចំពោះបេក្ខជន

ប្រធានបទ៖ ការធ្វើរោគវិនិច្ឆ័យអ្នកជំងឺដែលមានអាការៈធ្លាក់ឈាមក្រៅរដូវ

គោលបំណង៖ វាយតម្លៃសមត្ថភាពក្នុងការ ធ្វើរោគវិនិច្ឆ័យជំងឺ

ឈុតឆាកៈ
អ្នកជាគ្រូពេទ្យនៅមន្ទីរពេទ្យមួយ។ អ្នកត្រូវពិនិត្យព្យាបាល អ្នកជំងឺម្នាក់ដែលចូលមកមន្ទីរពេទ្យដោយមានអាការៈហូរឈាមក្រោយពេលរួមភេទ។ អ្នកបានសួរពីប្រវត្តិជំងឺ បានពិនិត្យអ្នកជំងឺ ព្រមទាំង បានស្នើសុំនូវការអង្កេតវិភាគមួយចំនួន ដើម្បីធ្វើរោគវិនិច្ឆ័យអោយបានជាក់លាក់ ហើយទទួលបានលទ្ធផលដូចតទៅ៖

ប្រវត្តិជំងឺ៖
ស្ត្រី អាយុ៤៥ឆ្នាំជាមេផ្ទះ មានកូន៣នាក់ សម្រាលតាមធម្មជាតិ។ គាត់ចាប់មានរដូវនៅអាយុ ១៣ឆ្នាំ ហើយបានរៀបការនៅអាយុ១៨ឆ្នាំ។ នៅប៉ុន្មានខែចុងក្រោយនេះគាត់តែងតែមានហូរឈាមក្រោយ ពេលរួមភេទ។ សភាពទូទៅរបស់គាត់ធម្មតា ប៉ុន្តែស្លេកស្លាំងបន្តិច។ នេះជាមូលហេតុដែលនាំឲ្យគាត់មកមន្ទីរពេទ្យ។ ក្នុងពេលសាកសួរ អ្នកសង្ស័យថាស្ត្រីនោះមានជំងឺនៅមាត់ស្បូន ដែលចាំបាច់ត្រូវធ្វើរោគវិនិច្ឆ័យគី្លនីកនៃជំងឺ។

ការពិនិត្យអ្នកជំងឺ៖
សញ្ញាជីវិត៖ កំដៅ 37.2 °c ជីពចរ 90/mn សម្ពាធឈាម 100/80mmHg ចង្វាក់ដង្ហើម16/mn
- មាត់ស្បូនមានសភាពមិនធម្មតាៈ ធំ, រលាក, ហូរឈាមដោយសារការប៉ះពាល់ៈ ដោយចំពុះទា ឬដោយការលូកទ្វារ
- ការពិនិត្យមើលមាត់ស្បូនដោយ Colposcopie : ឃើញតំបន់តំរវាងមាត់ស្បូនខាងក្នុង និងខាងក្រៅ ឡើងពណ៌សច្បាស់ដោយប្រើអាស៊ីតអាសេទិក និងមិនចាប់ពណ៌អ៊ីយ៉ូត ដោយប្រើLugol នៅទីតាំងម៉ោង១ និងម៉ោង៧របស់មាត់ស្បូន
- ជញ្ជាំងទ្វារមាសទន់ មិនឈឺចាប់
- Cul de Sac ឆ្វេង ស្តាំ លើ ក្រោមៈ ទន់
- លទ្ធផលកៀរកោសិកាបង្ហាញថា CIN III

ការអង្កេតវិភាគ Investigations:
- លទ្ធផលនៃការពិនិត្យឈាមៈ résultats des examens du sang
- លទ្ធផលនៃការពិនិត្យអេកូៈ résultats de l’échographie
- លទ្ធផលនៃការពិនិត្យសាច់មាត់ស្បូនៈ résultats de l’examen de biopsie du col
. ដំនៅមហារីក នៅក្នុងមាត់ស្បូន /- carcinome in situ du col utérin
. មហារីកមាត់ស្បូន ដំណាក់កាល Ia( cancer du col utérin satde Ia)
. ដំនៅអាចវិឌ្ឍន៍ទៅរកមហារីក/- lésion pouvant évoluer vers la cancer invasif
- លទ្ធផលនៃការថតសួត /résultats de la radiographie du thorax
- លទ្ធផលនៃការពិនិត្យE.C.G/ résultats de l’ECG

កិច្ចការដែលត្រូវធ្វើ៖

• ក-ធ្វើរោគវិនិច្ឆ័យដោយផ្អែកលើ ប្រវត្តិជំងឺ លទ្ធផលនៃការពិនិត្យអ្នកជំងឺនិងការអង្កេតវិភាគស្រាវជ្រាវដែលបានផ្តល់អោយខាងលើ។
• ខ-ផ្តល់នូវការអះអាងចំពោះរោគវិនិច្ឆ័យដែលបានលើកឡើង។

រយៈពេល ១៥ នាទី

References
World Health Organization 2006. Comprehensive Cervical Cancer Control: A guide to essential practice. http://whqlibdoc.who.int/publications/2006/9241547006_eng.pdf

តារាងផ្តល់ពិន្ទុ

ការណែនាំចំពោះមេប្រយោគ

ក-រោគវិនិច្ឆ័យ Diagnostic (08ពិន្ទុ)
ជំងឺមហារីកមាត់ស្បូន ,(៥ពិន្ទុ)ដំណាក់កាលដំបូង(៣ពិន្ទុ)

ខ-ការអះអាង Justifications (12ពិន្ទុ)

១-ប្រវត្តិជំងឺ(History)
- ស្ត្រីអាយុ ៤៥ឆ្នាំជាមេផ្ទះ មានកូន៣នាក់សម្រាលតាមធម្មជាតិ(១ពិន្ទុ)ចាប់មានរដូវនៅអាយុ១៣ឆ្នាំ
- រៀបការនៅអាយុ១៨ឆ្នាំ(១ពិន្ទុ) នៅប៉ុន្មានឆ្នាំចុងក្រោយនេះគាត់តែងតែមានការហូរឈាម ក្រោយពេលរួមភេទ(១ពិន្ទុ)
- សភាពរបស់គាត់ធម្មតាតែស្លេកស្លាំងបន្តិច (១ពិន្ទុ)

២-ការពិនិត្យអ្នកជំងឺ(Physical Examination)
- សីតុណ្ហភាព ៣៧.២^oC,សម្ពាធឈាម ១០០/៨០ mmHg, ជីបចរ 90/mn, ចង្វាក់ដង្ហើម ១៦/mn (១ពិន្ទុ)
- មាត់ស្បូនមានទំហ៊ុំមិនធម្មតា ធំ រលាកហូឈាមដោយការប៉ះពាល់ដោយជំពុះទា ឬ ដោយការលូកទ្វា (១ពិន្ទុ)
- ជញ្ជាំងទ្វាមាស ទន់មិនឈឺចាប់(១ពិន្ទុ) Cul de sac ឆ្វេងស្តាំលើក្រោមទន់(១ពិន្ទុ)

៣-ការពិនិត្យឈាម (Blood Test)
- ពិនិត្យឈាម Hemoglobine 9g/dl

៤-ការអង្កេតវិភាគផ្សេងទៀត (Other Investigations)
- លទ្ថផល នៃគ្នៀរកោសិកា បង្ហាញថា CIN III (១ពិន្ទុ) លទ្ធផលនៃការពិនិត្យសាច់មាត់ស្បូន៖ Carcinom intra du Col utérin, Cancer du col utérin stade Ia(១ពិន្ទុ), Echographie abdomino-pelvienn មិនមានអ្វីគួរកត់សំគាល់ (១ពិន្ទុ)

ពិន្ទុសរុប៖

ផ្នែកសម្ភពនិងរោគស្ត្រីស្ថានីយ៍ទី០៥/
គម្រោងព្យាបាល៖ជំងឺមហារីកមាត់ស្បូន

ការណែនាំចំពោះបេក្ខជន

ប្រធានបទ៖គម្រោងព្យាបាលជំងឺមហារីកមាត់ស្បូន

គោលបំណង៖វាយតម្លៃសមត្ថភាពក្នុងការលើកឡើងនូវគម្រោងព្យាបាលជំងឺ

ឈុតឆាក៖ អ្នកជាគ្រូពេទ្យនៅមន្ទីរពេទ្យមួយ។អ្នកត្រូវពិនិត្យព្យាបាលអ្នកជំងឺម្នាក់ដែលចូលមកមន្ទីរពេទ្យដោយមានអាការៈហូរឈាមក្រោយពេលរួមភេទ។អ្នកបានសួរពីប្រវត្តិជំងឺ បានពិនិត្យអ្នកជំងឺ ព្រមទាំងបានស្នើសុំនូវការអង្កេតវិភាគមួយចំនួន ដើម្បីធ្វើរោគវិនិច្ឆ័យអោយបានជាក់លាក់ ហើយទទួលបានលទ្ធផលដូចតទៅ៖

ប្រវត្តិជំងឺ៖
ស្ត្រី អាយុ៤៥ឆ្នាំជាមេផ្ទះ មានកូន៣នាក់ សម្រាលតាមធម្មជាតិ។ គាត់ចាប់មានរដូវនៅអាយុ ១៣ឆ្នាំ ហើយបានរៀបការនៅអាយុ១៨ឆ្នាំ។ នៅប៉ុន្មានខែចុងក្រោយនេះគាត់តែងតែមានហូរឈាមក្រោយពេលរួមភេទ។ សភាពទូទៅរបស់គាត់ធម្មតា ប៉ុន្តែស្លេកស្លាំងបន្តិច។ នេះជាមូលហេតុដែលនាំឲ្យគាត់មកមន្ទីរពេទ្យ។ ក្នុងពេលសាកសួរ អ្នកសង្ស័យថាស្ត្រីនោះមានជំងឺនៅមាត់ស្បូន ដែលចាំបាច់ត្រូវធ្វើរោគវិនិច្ឆ័យគី្លនីកនៃជំងឺ។

ការពិនិត្យអ្នកជំងឺ៖
សញ្ញាជីវិត៖កំដៅ 37.2 °c ជីពចរ 90/mn សម្ពាធឈាម100/80mmHg ចង្វាក់ដង្ហើម16/mn
-មាត់ស្បូនមានសភាពមិនធម្មតាៈ ធំ, រលាក, ហូរឈាមដោយសារការប៉ះពាល់ដោយចំពុះទា និងដោយការលូកទ្វារ
- ការពិនិត្យមើលមាត់ស្បូនដោយ Colposcopie : ឃើញតំបន់តំរវាងមាត់ស្បូនខាងក្នុងនិងខាងក្រៅឡើងពណ៌សច្បាស់ដោយដាក់អាស៊ីតអាសេទិក និងមិនចាប់ពណ៌អ៊ីយ៉ូត ដោយប្រើLugol នៅទីតាំងម៉ោង១ និងម៉ោង៧របស់មាត់ស្បូន
- ជញ្ជាំងទ្វារមាសទន់ មិនឈឺចាប់
- Cul de Sac ឆ្វេង ស្តាំ លើ ក្រោមៈ ទន់
ការអង្កេតវិភាគ៖
- លទ្ធផលនៃកៀរកោសិកាមាត់ស្បូនបង្ហាញថាជា CIN III និងដំនៅមហារីកមាត់ស្បូនដោយធ្វើ Biopsie

- លទ្ធផលនៃការពិនិត្យអេកូពោះ និងអាងត្រគាក៖ ស្បូន និងឧបសម្ព័ន្ធស្បូនមិនមានអ្វីគួរឲ្យកត់សម្គាល់
- លទ្ធផលនៃការថតសួតមិនមានអ្វីគួរឲ្យកត់សម្គាល់
- លទ្ធផលនៃការពិនិត្យឈាមៈ អេម៉ូក្លូប៊ីន9 g/dl

កិច្ចការដែលត្រូវធ្វើ៖

ផ្អែកលើព័ត៌មានគ្លីនីក លទ្ធផលនៃការអង្កេតវិភាគ និងរោគវិនិច្ឆ័យដែលផ្តល់អោយ ចូរអ្នក៖

(១) សង្ខេបបញ្ហា ដោយបញ្ជាក់លំអិតពី:
-ប្រភេទជំងឺកំរិតធ្ងន់ធ្ងរ
-ព័ត៌មានស្តីពីអ្នកជំងឺដែលមានប្រយោជន៏សម្រាប់ការព្យាបាល។

(២) បង្ហាញជម្រើសព្យាបាលដែលអ្នកយល់ថាសមស្របជាងគេសម្រាប់អ្នកជំងឺនេះ និងពន្យល់ហេតុផល

(៣)ឆ្លើយសំណួរមេប្រយោគ។

រយៈពេល ៖១៥នាទី

References
World Health Organization 2006.Comprehensive Cervical Cancer Control: A guide to essential practice.http://whqlibdoc.who.int/publications/2006/9241547006_eng.pdf

តារាងផ្តល់ពិន្ទុ

ការណែនាំចំពោះមេប្រយោគ

ផ្នែកសម្ភព និងរោគស្ត្រី ស្ថានីយ៍ទី០៦-
ការផ្តល់ដំបូន្មាន៖ជំងឺមហារីកមាត់ស្បូន

ការណែនាំចំពោះបេក្ខជន

ប្រធានបទ៖ការផ្តល់ដំបូន្មានស្តីពីជំងឺមហារីកមាត់ស្បូនក្រោយវះកាត់

គោលបំណង៖វាយតម្លៃសមត្ថភាពក្នុងការអប់រំសុខភាព

ឈុតឆាក៖
អ្នកជាគ្រូពេទ្យព្យាបាលនៅផ្នែករោគស្ត្រីនៃមន្ទីរពេទ្យមួយ។ អ្នកជំងឺម្នាក់អាយុ៤៥ឆ្នាំ បានចូលមកសម្រាកព្យាបាលជំងឺនៅមនី្ទរពេទ្យដោយមានជំងឺមហារីកស្បូនដំណាក់កាល (០) ហើយត្រូវបានអនុញ្ញាតអោយត្រឡប់ទៅផ្ទះវិញបន្ទាប់ពីបានព្យាបាលដោយការវះកាត់យកស្បូនចេញ។

កិច្ចការដែលត្រូវធ្វើ៖

ចូរអ្នកធ្វើការពន្យល់អ្នកជំងឺនិងក្រុមគ្រួសារ មុនចេញពីមន្ទីរពេទ្យអំពី៖

• ក-ជំងឺ និងការថែទាំព្យាបាលបន្តនៅផ្ទះ ព្រមទាំង
• ខ- វិធានការដើម្បីជៀសវាងកុំអោយកើតជំងឺនេះ។

រយៈពេល ៖១៥នាទី

References
World Health Organization 2006.Comprehensive Cervical Cancer Control: A guide to essential practice. http://whqlibdoc.who.int/publications/2006/9241547006_eng.pdf

តារាងផ្តល់ពិន្ទុ

ការណែនាំចំពោះមេប្រយោគ